F°

Overbevist om at Norge – og verden – ikke er tomme for gode bokhandlere, både steder og folk, så spør vi etter gode boksteder/bokfolk. Hvor ble det av dem i alt mylderet? Finnes det steder der man kan gå seg bort i bokstabler, henge ved disken i timesvis og dele boktips, finne sin nye favorittforfatter liggende på et torg eller stå i en bokhylle, oppdage nye bøker og den boka du glemte at du hadde lyst til å lese da den kom for et par år siden?

At vi elsker Tronsmo og er glade de fortsatt finnes vet vi allerede – men finnes det flere steder? Det må finnes flere steder. Vi spør forfattere, kulturpersonligheter og diverse andre bokfolk om tips og triks og godt gjemte boksteder. For vi tror jo at de finnes. I dag spør vi Flamme-forfatter Olav Gisle Øvrebø, som utga Barn som leikar i 2011.

FF: Kva/kven er favorittbokhandelen/favorittbokhandlaren din?
OGØ: Sidan eg nettopp har vore hos familien min i Sogn, har eg vore innom bokbyen i Fjærland fleire gonger. Det er nok min favorittbokhandel. Eit antikvariat, eller egentleg er det to, med god oversikt og rikt utval.

FF: Kvifor?

OGØ: Eg hugsar eg fann ei bok med bilete av Jane Mykle, kona til Agnar, på omslaget, ei portrettbok skriven av Alf van der Hagen. Det er ikkje så mange stader ein kan finne slike nisjebøker frå eit par tiår tilbake, iallfall ikkje ute på landet. Boka med tang-grønt omslag og ei rynkete, forsiktig smilande dame, likna på noko som var skylt opp frå fjorden, furete som drivved og farga av sjøgraset. Den passa godt inn blant gamle bøker i eit vêrbite landskap. Det å ha ein bokhandel slik midt i naturen og i gamle bygningar der breen har greve seg fram i terrenget, minner meg på at språket er noko vi har fått overlevert og skal handsame med visdom, medan bøkene er våre fotnotar til uutgravde romanar, for å alludere ein annan forfattar eg har funne rike verk av i denne bokbyen. Eg har funne sjeldne godbitar her, som Geir Gulliksens "Steder: på torget" samt signerte utgåver av Gunvor Hofmo sine diktverk for ein femtilapp. Så skal du vestover er denne plassen vel verdt eit besøk. Den ligg rett nok godt utanfor allfarveg, midt mellom Bergen og Ålesund. Men ein må jo gå dei lange vegane for å finne dei beste turane. Alt for mange tek snarvegar med Hislop og Nesbø frå Ark og Norli.

FF: Korleis fann du den?
OGØ: I filmen "Reprise" frå 2006 ser vi eit glimt av ein epoke frå dei to hovudpersonane si ungdomstid. Foreldrene til ein av gutane befann seg då på vestlandet, får vi vite, og sonen brukte alle lommepengane på bøker. Dei gamle Lanterne-omslaga, korridorane, samnt nevninga av vestlandet gjorde kanskje at eg forveksla bokhandelen i filmen, som ved nærare ettersyn truleg er ein hovudstadsbokhandel, td. Bislett bok, med bokbyen i Fjærland. Men kva gjer vel det når ein snakkar om ein film viss røyndom stort sett blir representert gjennom flyktige minneglimt frå hukommelsens upålitelege kjelde. I mine eigne ungdomssomrar fekk eg imidlertid mine første minne frå den ovanfor nevnte bokbyen. Vi pleide å stoppe kjapt og sjå gjennom hyllene på utsida der ein sjølvbetjent kunne plukke med seg bøker for ein tiar. Seinare gjekk eg inn i lokala og oppdaga litteraturens større gleder gjennom endelause rekkjer av bøker i dei fleste sjangrar.